11654 ۔۔۔ اسلم فرماتے ہیں کے میں حضرت عمر (رض) کو دیکھا آپ کے سامنے فہرستیں پیش کی گئیں ، سب سے پہلے بنوہاشم تھے پھر بنوتمیم ، پھر بنوعدی، فرمایا کہ عمر کو وہیں رکھو جہاں اس کی جگہ ہے اور رسول اللہ (صلی اللہ علیہ وآلہ وسلم) کے رشتہ داروں سے درجہ بدرجہ شروع کرو، بنوعدی حضرت عمر (رض) کے پاس آئے اور عرض کیا کہ آپ (صلی اللہ علیہ وآلہ وسلم) کے خلیفہ یا حضرت ابوبکر صدیق (رض) کے خلیفہ ہیں ابوبکر صدیق (رض) جناب رسول اکرم (صلی اللہ علیہ وآلہ وسلم) کے خلیفہ تھے، سو اگر آپ خود بھی اسی حیثیت سے رکھیں جیسے ان لوگوں نے رکھا تو (کیساہو ؟ ) فرمایا ارے ارے، اے بنوعدی کیا تم میری پشت پر مارنا چاہتے ہو، اس طرح تو میں ضرور تمہاری خاطر اپنی نیکیاں ضائع کر بیٹھوں گا، نہیں خدا کی قسم یہاں تک کہ تمہارا بلاوا آجائے اور میں فہرستیں تمہارے سامنے ترتیب دے دوں یعنی تمہیں سب سے آخر میں رکھوں، بیشک میرے دو ساتھی تھے جو ایسے راستے پر چلے کہ اگر میں نے ان کی مخالفت کی تو میری بھی مخالفت کی جائے گی خدا کی قسم ہمیں دنیا میں کوئی فضیلت نہیں ملی نہ ہم آخرت میں اپنے اعمال وثواب دار فضیلت خواہاں ہیں اللہ کی طرف، علاوہ جناب رسول اللہ (صلی اللہ علیہ وآلہ وسلم) کے ساتھ وہی ہماری عزت ہیں ان کی قوم عربوں میں افضل و اشرف ہے پھر ان سے قریب تر پھر ان سے قریب تر، اور عربوں کو عزت و عظمت رسول اللہ (صلی اللہ علیہ وآلہ وسلم) سے ہی دی گئی ہے چاہے ہم بعض اس کو اپنے آباؤاجداد کی طرف منسوب کریں اور کیا ہے ہمارے اور ان لوگوں کے درمیان جو اس عزت کو اپنے نسب کی طرف منسوب کریں پھر ہم حضرت آدم (علیہ السلام) سے چند پشتوں سے زیادہ دور بھی نہیں ، اور اس کے باوجود خدا کی قسم اگر عجمی لوگ عمال لے کر آئے اور ہم بغیر اعمال آگئے تو وہ قیامت کے دن رسول اللہ (صلی اللہ علیہ وآلہ وسلم) کے زیادہ حق دار ہوں گے پھر کوئی شخص قرابت داری کی طرف نہ دیکھے اور جو اللہ کے پاس ہے اس کے لیے عمل کرے، کیونکہ جس کا عمل کم پڑگیا اس کا نسب اس کے لیے کچھ نہ کرسکے گا “۔ (ابن سعد)