11680 ۔۔۔ حضرت عبدالرحمن بن عوف فرماتے ہیں حضرت عمر (رض) نے مجھے بلوایا، غالبا ظہر کے وقت میں ان کے دروازے پر پہنچا تو مجھے ان کے رونے کی آواز سنائی دی تو میں نے اناللہ واناالیہ راجعون پڑھا اور کہا کہ کچھ ہوگیا واللہ امیرالمومنین کچھ ہوگیا، پھر میں اندر داخل ہوا اور ان کا کندھا پکڑا اور عرض کیا کہ کوئی بات نہیں ، کوئی بات نہیں اے امیرالمومنین فرمایا نہ صرف بات ہے بلکہ بہت سخت بات ہے پھر میرا ہاتھ پکڑا اور ایک کمرے میں لے گئے جہاں ایک دوسرے کے اوپر بہت سے تھیلے پڑے تھے، اور فرمایا کہ اب خطاب کی اولاد پر اللہ کے سامنے آزمائش کا وقت آیا ہے اگر اللہ چاہتے تو یہ سارا مال میرے دونوں ساتھیوں یعنی رسول اللہ (صلی اللہ علیہ وآلہ وسلم) اور حضرت ابوبکرصدیق (رض) کو بھی دیتے اور میں اس کا کوئی طریقہ مقرر فرما دیتے تو میں بھی اسی طریقے کی پیروی کرتا، میں نے عرض کیا کہ بیٹھ جائے ہم کچھ سوچتے ہیں ، چنانچہ ہم نے امہات المومنین کا وظیفہ چار چار ہزار ، مہاجرین کا وظیفہ بھی چار چار ہزار اور سب لوگوں کا وظیفہ دو ہزار مقرر کیا حتیٰ کہ ہم نے سارامال تقسیم کردیا “۔ (ابوعبید فی الاموال والعدنی)