11681 ۔۔۔ حضرت قیس بن ابی حازم فرماتے ہیں کہ جب حضرت عمر (رض) شام آگئے تو حضرت بلال (رض) ان کے پاس تشریف لائے وہاں لشکروں کے امیر بھی تھے آتے ہی فرمانے لگے اے عمر ! اے عمر ! حضرت عمر (رض) نے فرمایا یہ رہاعمر، تو حضرت بلال (رض) نے فرمایا کہ آپ ان کے اور اللہ کے درمیان ہیں اور آپ کے اور اللہ کے درمیان کوئی نہیں، سو اپنے دائیں بائیں اور سامنے دیکھئے، یہ وہ لوگ ہیں جو آپ کے پاس آئے ہیں اور انھیں نے پرندوں کے گوشت کے علاوہ کچھ نہیں کھایا، حضرت عمر (رض) نے فرمایا نے فرمایا کہ آپ نے سچ کہا میں اپنی جگہ سے اس وقت تک نہ کھڑا ہوں گا جب تک آپ لوگ ہر مسلمان شخص کے لیے دومدگندم اور ان دونوں کے حصے کا سرکہ اور تیل دینے کی ذمہ داری نہ قبول کروں، انھوں نے عرض کیا کہ اے امیرالمومنین ہم ذمہ داری قبول کرتے ہیں، یہ ہم پر لازم ہے اللہ تعالیٰ نے خیر اور وسعت بہت عطا فرمائی ہے حضرت عمر (رض) نے فرمایا کہ پھر ٹھیک ہے “۔ (ابوعبید)