11693 ۔۔۔ امام شافعی فرماتے ہیں کہ مجھے اھل مدینہ میں سے بہت سے اہل علم وصرف نے بتایا جو قریشی اور دیگر قبائل سے تعلق رکھتے تھے، اور بعض لوگ حدیث کو بیان کرنے میں دوسروں سے اچھے تھے، اور بعض لوگوں نے دیگر بعض کی نسبت حدیث میں کچھ اضافہ بھی بیان کیا ہے کہ جب حضرت عمر (رض) نے فہرستیں تیارکروائیں تو فرمایا کہ میں بنوھاشم سے شروع کرنے والاہوں کیونکہ میں جناب رسول اللہ (صلی اللہ علیہ وآلہ وسلم) کی خدمت میں موجود تھا اور آپ (صلی اللہ علیہ وآلہ وسلم) بنوہاشم کو دیتے تھے اور پھر بنوعبدالمطلب کو، اسی طریقے پر فہرست تیار کروائی اور پھر ان کو ایک ہی قبیلے کی طرح کجر دیا، پھر نسب کے لحاظ سے عبدالشمس اور بنونوفل والے برابر ہوگئے تو فرمایا کہ بنو عبدالشمس جناب رسول اللہ (صلی اللہ علیہ وآلہ وسلم) کے ماں باپ شریک بھائی ہیں جبکہ نوفل نہیں چنانچہ عبدالشمس کو مقدم رکھا، پھر ان کے فوراًبنو نوفل والوں کو بلایا، پھر عبدالدار والے برابر ہوگئے تو فرمایا کہ بنواسد بن عبدالعزی میں جناب رسول اللہ (صلی اللہ علیہ وآلہ وسلم) کی دامادی رشتے داری ہے اور انہی میں مطیبین بھی ہیں، بعض نے کہا کہ وہ اھل حلف الفضول میں سے ہیں اور رسول اللہ (صلی اللہ علیہ وآلہ وسلم) انھیں میں سے تھے، اور یہ بھی کہا گیا کہ عبدالعزی والوں کی سبقت کا ذکر کیا اور ان کو عبدالعزی والوں پر مقدم کیا پھر ان کے فوراًبعد عبدالدار والوں کو بلایا پھر زعرۃ والے اکیلے رہ گئے توعبدالدار کے فوراًبعد زعرۃ والوں کو بلایاپھرتیم اور مخزوم والے برابر ہوگئے توبنو تیم والوں کے بارے میں فرمایا کہ وہ اھل حلف الفضول میں سے ہیں اور ان میں مطیبین بھی ہیں اور جناب رسول اللہ (صلی اللہ علیہ وآلہ وسلم) بھی ان میں سے ہیں، یہ بھی کہا گی کہ سبقت کو ذکر کیا گیا اور یہ بھی کہا گیا کہ سسرالی رشتے داری کو ذکر کیا گیا تیم والوں کو مخزوم والوں پر مقدم کیا گیا پھر فوراًمخزوم والوں کو بلایا گیا ، پھر سھم، جمح اور عدی بن کعب والے برابر ہوگئے کہا گیا کہ عدی والوں سے شروع کریں تو فرمایا کہ میں اپنے نفس کو اسی حالت میں رکھتاہوں جسم میں وہ پہلے تھا، جب اسلام آیا تو ہمارا اور بنوسھم کا معاملہ ایک تھا لیکن بنو جمح اور سھم کو دیکھو عرض کیا گیا کہ جمح کو مقدم کریں پھر بنو سھم کو بلایا اور عدی اور سھم والوں کی فہرست اس طرح ملی جلی تھی کہ گویا ایک ہی بلاواہو، جب یہ معاملہ پورا ہوگیا تو بلند آواز سے تکبیر کہی اور فرمایا کہ تمام تعریفیں اللہ ہی کے لیے ہیں جس نے مجھے اپنے رسول اللہ (صلی اللہ علیہ وآلہ وسلم) سے اور پھر بنوعامر بن لوی سے میرا حصہ پہنچادیا۔
امام شافعی فرماتے ہیں کہ بعض راویوں نے کہا کہ حضرت ابوعبیدۃ بن عبداللہ بن الجراح الفہری (رض) نے جب اس کو مقدم ہوتے دیکھاتو فرمایا کہ کیا اس طرح سب میرے سامنے بلائے جاتے رہیں گے ؟ تو حضرت عمر (رض) نے فرمایا کہ اے ابوعبیدۃ ! (رض) صبرکروجی سے پہلے صبر کیا، یا اپنی قوم سے بات کرلو جس کو وہ اپنے قوم سے مقدم کریں گے تو میں منع نہیں کروں گا، رہا میں اور بنوعدی تو اگر تم چاہوگے تو میں تمہیں خودپر ترجیح دوں گا سو بنوالحارث بن فہر کے بعد معاویۃ کو مقدم کیا اور ان کے درمیان عبدمناف اور اسد بن عبدالعزی کو لائے پھر خلیفہ مہدی کے زمانے میں بنوسھم اور بنو عدی میں جھگڑارہا پھر ختم ہوگیا ، سومہدی نے بنو عدی کو مقدم کرنے کا حکم دیابنو سھم اور بنوجمح پر سبقت کی وجہ سے “۔ (سنن کبری بیھقی