11696 ۔۔۔ حضرت ابن عباس (رض) فرماتے ہیں کہ حضرت عمر (رض) جب نماز ادافرمالیتے تو لوگوں کی طرف متوجہ ہو کر بیٹھ جاتے اگر کسی کو کوئی ضرورت ہوتی تو بات کرلیتا اور اگر کسی کو کوئی ضرورت نہ ہوتی تو کھڑے ہوجاتے اور لوگوں کو نماز پڑھاتے اور اس میں نہ بیٹھتے ، میں نے پوچھا کہ اے یرفا ! کیا امیرالمومنین کو کوئی تکلیف ہے ؟ تو انھوں نے کہا کہ نہیں امیرالمومنین کو کوئی تکلیف نہیں، میں بیٹھ گیا، پھر حضرت عثمان بن عفان (رض) تشریف لائے اور بیٹھ گئے، اور یرفاچلے گئے اور کہتے گئے اے ابن عفان اے ابن عباس ! کھڑے ہوجاؤ، پھر ہم حضرت عمر (رض) کے پاس پہنچے ، تو دیکھا کہ ان کے سامنے مال کا ڈھیر ہے اور ہر ڈھیر پر ایک تھیلا ہے، حضرت عمر (رض) فرمایا کہ میں نے اھل مدینہ کو دیکھاتوتم دونوں کو سب سے بڑے خاندان والاپایا، سو تم دونوں یہ مال لے لو اور تقسیم کرلو اور جو بچ جائے واپس کردوتو حضرت عثمان (رض) نے لپ بھر لی ، اور میں نے گھٹنوں تک جھولی بھری اور کہا کہ اگر ہمیں کم پڑگیا تو کیا آپ ہمیں اور زیادہ دیں گے ؟ حضرت عمر (رض) نے فرمایا کہ پہاڑکاپتھر، کیا یہ مال اللہ کے پاس اس وقت تک نہ تھا جب محمد (صلی اللہ علیہ وآلہ وسلم) اور ان کے ساتھی تکلیفیں اٹھاتے تھے ؟ میں نے کہا کہ ہاں خدا کی قسم یہ اللہ کے پاس اس وقت بھی تھا جبکہ محمد (صلی اللہ علیہ وآلہ وسلم) زندہ تھے اگر ان کی حیات مبارکہ میں یہ فتوحات ہوتیں وہ وہ نہ کرتے جو آپ کرتے ہیں، حضرت عمر (رض) غصے میں آگئے اور فرمایا کہ پھر کیا کرتے ؟ میں نے کہا کہ پھر وہ خودکھاتے اور ہمیں کھلاتے ، حضرت عمر (رض) روپڑے اور ایسا روئے کہ ان کی ہچکیاں بندھ گئیں حتیٰ کہ سنبھلنا مشکل ہوگیا، میرا جی چاہتا ہے کہ اس میں سے قدر ضرورت نکالوں جو نہ میرے لیے ہو اور نہ مجھ پر ہو۔ (حمید، ابن سعد، بزار، سعیدبن منصور، شاشی، سنن کبری بیھقی)