11704 ۔۔۔ نافع فرماتے ہیں کہ آپ (صلی اللہ علیہ وآلہ وسلم) نے اپنی ازواج میں سے ہر ایک کو خیبر کے مال سے اسی وسق کھجوریں اور بیس وسق جو دیتے تھے، جب حضرت عمر (رض) آئے تو انھوں نے امہات المومنین کو اختیاردیا کہ وہ وہی قبول کریں جو رسول اللہ (صلی اللہ علیہ وآلہ وسلم) کے مبارک دور میں ملتا تھا تو ام المومنین حضرت عائشہ صدیقہ (رض) اور ام المومنین حفصہ (رض) نے یہ پسند کیا کہ ان کو زمین اور پانی وغیرہ دے دیا جائے تاکہ یہ پھر اس کے لیے میراث ہو جس کا یہ وراث بنانا پسندکریں “۔ (ابن وھب)