11705 ۔۔۔ حضرت ابوطبیان الاسدی فرماتے ہیں کہ میں حضرت عمر (رض) کی خدمت میں پہنچاتو آپ نے مجھ سے پوچھا کہ اے ابوطبیان اعراق میں تمہارا مال گیا ہے، میں نے عرض کیا کہ نہیں، قسم اس ذات کی جس نے آپ کو نیک بخت بنایا ہم نہیں جانتے کہ اس مال کا کیا کریں گے ؟ ہم میں سے کوئی ایسا نہیں جو قادسیہ آیاہو اور اس کو ڈیڑھ یادوہزار وظیفہ نہ ملتاہو، اور ہمارے جنتنے بھی بیٹے بھتیجے ہیں ان کو چانچ سو سے تین سو تک وظیفہ ملتاہو، اور ہم میں سے کوئی بال بچے دار ایسا نہیں جس کو ہر ماہ دوتھیلے نہ ملتے ہوں خواہ وہ کھائے یا نہ کھائے جب اتناسب کچھ ہورہا ہے تو تم نہیں جانتے کہ اتنے مال سے ہم کیا کریں گے، فرمایا جی ہاں ہم مناسب سمجھیں گے وہاں اس مال کو خرچ کریں گے اور جہاں مناسب نہ سمجھیں گے وہاں نہ کریں گے، وہ تمہارا حق ہے جو میں تمہیں دیتاہوں، اس پر میری تعریف مت کرو، جب میں اس مال کو تمہارے حوالے کرتا ہوں اور تم لوگ قبول کرلیتے ہو تو میں نیک بخت ہوجاتا ہوں اگر یہ (میرے باپ) خطاب کا مال ہوتا تو پھر میں تمہیں نہ دیتا اور میری نصیحت تمہارے لیے اور جیسے تمہارے لیے ہے ایسے ہی اس کے لیے بھی ہے جو اسلامی سرحدوں کے انتہائی کناروں پر رہتا ہو، سو جب تجھے تیرا وظیفہ ملے تو اس سے بکریاں خریدلے اور اپنے جنگل میں رکھ لے پھر جو وظیفہ لے تو اس سے ایک یادوغلام خریدلے اور مال باندھ لے، کیونکہ میں ڈرتاہوں کہ میرے بعدای سے آئیں گے جو تمہیں گن گن کر عطایادیا کریں گے اپنے زمانوں میں ہو اور تو یا تیرے گھروالوں میں سے کوئی باقی رہا تو جو چیز ملے اسے لے لینا “۔ (علی بن معبد فی طاعۃ وعصیان)