12109 عرفہ کے دن میری اور مجھ سے قبل تمام انبیاء کی بڑی دعاؤں میں سب سے بڑی دعا یہ ہے :
لا الہ الا اللہ وحدہ لا شریک لہ لہ الملک ولہ الحمد وھو علی کل شیء قدیر، اللھم اجعل فی قلبی نوراً ، وفی سمعی نوراً ، وفی بصری نوراً ، اللھم اشرح لی صدری ویسرلی امری، واعوذبک من وسواس الصدر، وشتات الامر رفتنۃ القبر، اللھم انی اعوذبک من شر مایلج فی اللیل ، وشرمایلج فی النھار ، وشرما تھب بہ الریاح، وشربواثق الدھر۔
” نہیں کوئی معبود سوائے اللہ تعالیٰ کے، اکیلا ہے ، کوئی اس کا ساجھی نہیں، اسی کا ملک ہے، اور اسی کے لیے تمام تعریفیں ہیں اور وہ ہر چیز پر قادر ہے۔ اے اللہ ! میرے دل میں، میری سماعت میں اور میری بصارت میں نور پیدا فرما دیجئے، اے اللہ ! میرے سینے کو کھول دے ، اور میرا معاملہ آسان فرما، اور سینے (دل) کے وسوسوں سے ہنگامہ امور سے اور قبر کے فتنے سے میں تیری پناہ مانگتا ہوں، اے اللہ میں اس چیز کے شر سے بھی تیری پناہ مانگتا ہوں جو رات اور دن میں داخل ہوتا ہے، اور اس چیز کے شر سے بھی پناہ مانگتا ہوں جس کو ہوائیں چلا دیتی ہیں، اور زمانے کے مصائب کے شر سے پناہ مانگتا ہوں۔ رواہ البیھقی وضعفہ عن علی (رض) ۔
کلام : روایت مذکورہ کو امام بیہقی (رح) نے ضعیف قرار دیا ہے بروایت علی (رض) ۔