12355 اے لوگو ! یہ کونسا دن ہے ؟ اور یہ کونسا مہینہ ہے ؟ اور یہ کونسا شہر ہے ؟ کیا یہ حرام مہینہ (ذوالحجہ) اور کیا یہ حرام شہر (مکہ) اور کیا یہ حرام دن (یوم عرفہ) نہیں ہے۔ آگاہ رہو ! بیشک تمہارے خون اور تمہارے اموال اور تمہاری آبرو تم پر اسی طرح محترم ہیں جس طرح کہ تمہارے اس مہینہ (ذوالحجہ) میں، تمہارے اس شہر (مکہ ) میں اور تمہارے اس دن (عرفہ) میں حرام ومحترم ہیں اس دن تک جس دن تم اپنے پروردگار سے ملاقات کرو گے (قیامت تک حرام ومحترم ہیں) ۔ اے اللہ ! کیا میں نے (تیرا دین) پہنچا دیا ؟ اے اللہ ! تو گواہ رہنا (کہ میں نے تیرا دین تیرے بندوں تک پہنچادیا) ۔ رواہ احمد فی مسندہ وابن سعد والحکیم عن العداء بن خالد، رواہ الطبرانی فی الکبیر عن ابی امامۃ (رض) رواہ البزار عن وابصۃ۔