12356 بیشک سب سے زیادہ حرمت والا دن تمہارے اس شہر (مکہ) میں تمہارے اس مہینہ (ذوالحجہ) میں تمہارا یہ دن (عرفہ) ہے، آگاہ رہو ! تمہارے خون تم پر اسی طرح محترم ہیں جس طرح کہ تمہارے اس مہینہ (ذوالحجہ) میں تمہارے اس شہر (مکہ) میں تمہارے اس دن (عرفہ) کی حرمت ہے۔ سنو ! کیا میں نے (اللہ کا دین تمہیں ) پہنچا دیا ؟ تو صحابہ (رض) نے عرض کیا کہ جی ہاں (آپ نے دین پہنچا دیا) تو آپ (صلی اللہ علیہ وآلہ وسلم) نے فرمایا کہ : اے اللہ ! تو (اپنے بندوں کی گواہی پر) گواہ رہ۔ رواہ ابن النجار عن ابوہریرہ (رض) ۔