12397 قاسم بن ابی اشمط کہتے ہیں مجھے میرے والد نے میرے دادا احسل سے جو بنی عامر بن لوی میں سے تھے روایت نقل کی ہے :
کہ رسول اللہ (صلی اللہ علیہ وآلہ وسلم) اپنے حج میں ایک شخص کے پاس سے گزرے ، ہم بھی آپ کے ہمراہ تھے۔ وہ آدمی اپنے حج سے فارغ ہوچکا تھا، آپ (صلی اللہ علیہ وآلہ وسلم) نے اس سے دریافت فرمایا : کیا تیرا حج (گناہوں سے) محفوظ رہا ہے ؟ اس نے عرض کیا : جی ہاں، یارسول اللہ ! تو حضور اکرم (صلی اللہ علیہ وآلہ وسلم) نے ارشاد فرمایا : از سرنو عمل کرو (کیونکہ تمہارے پچھلے گناہ معاف ہوگئے ہیں) ۔