12398 حضرت جابر (رض) سے مروی ہے کہ (حضور اکرم (صلی اللہ علیہ وآلہ وسلم) نے ارشاد) فرمایا : اللہ کا محترم گھر کعبۃ میری قبر کی طرف (بار بار) متوجہ ہوتا ہے اور کہتا ہے : السلام علیک یا محمد ! تو میں بھی کہتا ہوں وعلیکالسلام یا بیت اللہ ! میری امت نے میرے بعد تیرے ساتھ کیا برتاؤ کیا ؟ تو کعبۃ اللہ کہتا ہے : جو میرے پاس آتا ہے میں اس کے لیے کافی ہوجاتا ہوں اور اس کے لیے سفارشی بن جاتا ہوں۔ اور جو میرے پاس نہیں آتا، اس کے لیے آپ کافی ہوجائیں اور اس کے لیے سفارشی بن جائیں۔ الدیلمی۔
کلام : روایت موضوع ہے کیونکہ اس کی سند میں محمد بن سعید بورقی کذاب اور وضاع (جھوٹا اور حدیثیں بنانے والا) شخص ہے۔ سلیمان بن جابر سے مروی ہے کہ بورقی حدیثیں گھڑنے والوں میں سے ایک تھا۔ میزان الاعتدال 566/3 ۔