12599 عطاءؒ سے مروی ہے کہ نبی اکرم (صلی اللہ علیہ وآلہ وسلم) نے (عرفات سے واپسی پر) اسامہ بن زید (رض) کو ردیف بنایا حتیٰ کہ رسول اللہ (صلی اللہ علیہ وآلہ وسلم) مزدلفہ تشریف لے آئے، عطاء فرماتے ہیں : جب رسول اللہ (صلی اللہ علیہ وآلہ وسلم) (مزدلفہ سے پہلے) اس گھاٹی میں پہنچے جہاں آج خلفاء مغرب کی نماز ادا کرتے ہیں تو آپ (صلی اللہ علیہ وآلہ وسلم) اترے اور پانی بہایا پھر وضو کیا جب اسامہ نے رسول اللہ (صلی اللہ علیہ وآلہ وسلم) کو اترتے دیکھا تو خود بھی اتر آئے تھے۔ جب رسول اللہ (صلی اللہ علیہ وآلہ وسلم) وضو وغیرہ سے فارغ ہوگئے تو اسامہ کو پوچھا : تم کیوں اترے ؟ پھر اسامہ (رض) واپسی سواری پر بیٹھ گئے اور حضور (صلی اللہ علیہ وآلہ وسلم) بھی سوار ہوگئے اور سواری چلا دی، حتیٰ کہ مزدلفہ تشریف لے آئے۔ وہاں نماز مغرب ادا فرمائی، رسول اللہ (صلی اللہ علیہ وآلہ وسلم) اس سفر میں تلبیہ پڑھتے رہے حتیٰ کہ مزدلفہ داخل ہوگئے۔
حضرت عطاءؒ مذکورہ روایت اسامہ بن زید سے نقل کرتے ہیں۔ العدنی