12600 اسامہ بن زید (رض) سے مروی ہے فرماتے ہیں : میں واپسی میں رسول اللہ (صلی اللہ علیہ وآلہ وسلم) کے ساتھ تھا ۔ جب حضور (صلی اللہ علیہ وآلہ وسلم) اس گھاٹی میں پہنچے جہاں امراء و حکام اترتے ہیں تو آپ (صلی اللہ علیہ وآلہ وسلم) وہاں اترے، پیشاب کیا پھر وضو فرمایا۔ میں نے پوچھا : نماز کا ارادہ ہے ؟ حضور (صلی اللہ علیہ وآلہ وسلم) نے فرمایا : نماز آگے ہوگی۔ چنانچہ جب مزدلفہ پہنچے تو اذان و اقامت فرمائی (یعنی حکم دیا) پھر مغرب کی نماز پڑھی پھر کسی نے اپنی سواری کے سامان وغیرہ کو اتارا نہیں حتیٰ کہ حضور (صلی اللہ علیہ وآلہ وسلم) کھڑے ہوگئے اور عشاء کی نماز ادا فرمائی۔ ابن ماجہ، ابن جریر