12618 عبداللہ بن عمرو (رض) حضور نبی کریم (صلی اللہ علیہ وآلہ وسلم) سے روایت کرتے ہیں، حضور (صلی اللہ علیہ وآلہ وسلم) نے ارشاد فرمایا :
حضرت جبرائیل (علیہ السلام) حضرت ابراہیم (علیہ السلام) کے پاس عرفہ کے روز تشریف لائے اور (صبح کو) ان کو (میدان) عرفات لے گئے اور جہاں پیلو کے درخت ہیں وہاں ان کو ٹھہرا دیا اور جہاں لوگ اترتے ہیں (یعنی میدان عرفات میں) وہاں ان کو ظہر اور عصر کی دنوں نمازیں پڑھائیں پھر وہاں ان کو ٹھہرایا حتیٰ کہ (جب سورج غروب ہوگیا تو اس قدر وقفے کہ) جس میں تم سے کوئی جلد ازجلد مغرب کی نماز پڑھ لیتا ہے اتنے وقفے کے بعد (عرفات) نکل گئے اور مزدلفہ پہنچ گئے اور وہاں مغرب اور عشاء کی نمازیں پڑھائیں۔ پھر اللہ تعالیٰ نے محمد (صلی اللہ علیہ وآلہ وسلم) کو وحی فرمائی :
ان اتبع ملۃ ابراھیم حنیفاً وماکان من المشرکین۔
ملت ابراہیم کی اتباع کر جو (اپنے رب کی طرف) یکسو تھے اور مشرکین میں سے نہیں تھے۔
ابن جریر