12619 یوسف بن ماہک سے مروی ہے، فرماتے ہیں : میں نے ابن عمر (رض) کے ساتھ تین حج کیے، وہ عرفہ میں امام کے ساتھ ٹھہر گئے۔ جب امام وہاں سے نکلے تو اپنی (عادت والی ہلکی ) رفتار پر آپ (رض) بھی نکلے۔ آپ (رض) اپنی سواری کو چابک نہیں مارتے تھے اور اکثر وبیشتر میں نے حل (حرم کے سوا مقام) میں آپ کو نہیں سنا کہ آپ سواری کو (تیز چلنے پر) اکساتے ہوں۔ حتیٰ کہ ہم اسی رفتار سے مزدلفہ میں اتر گئے۔ جب آپ (رض) مزدلفہ سے نکلے تو میں بھی وہاں سے نکل پڑا۔ آپ (رض) سواری کو چابک (کوڑا) نہیں مارتے تھے اور نہ میں حل میں آپ کو سواری کو اکساتے ہوئے سنتا تھا۔ حتیٰ کہ جب سواری نے اپنے قدم وادی محسر میں ڈال دیئے تو تب آپ نے چابک (کوڑا) سنبھال لیا پھر میں آپ کو برابر دیکھتا رہا کہ آپ سواری کو اکساتے جارہے ہیں (تاکہ وہ تیز رفتاری پکڑے) حتیٰ کہ آپ (رض) نے رمی جمرہ فرمائی۔ اور اس سفر میں آپ سے یہ اشعار سن رہا تھا :
تیری طرف دوڑتی ہیں سواریاں ان کے زین متحرک ہیں اور ان کے بچے ان کے شکموں میں ہلچل میں ہیں۔ ان صاحب سواریوں کا دین نصاری کے دین کی مخالفت کرتا ہے۔ اے اللہ ! (ہم حاضر ہیں اور بےشک) تو گناہوں کو بخشنے والا، پس ہمارے سارے ہی گناہ بخش دے اور کون سا بندہ ہے جو تیری ذات میں حیران پریشان نہیں ہوتا۔ ابن جریر