12788 عبداللہ بن عمار سے مروی ہے ، کہتے ہیں کہ ہم معاذ بن جبل اور کعب احبار کے ساتھ چند لوگوں کی جماعت بیت المقدس سے عمرہ کا احرام باندھ کر نکلے ۔ جب ہم راستے میں تھے اور میں آگ پر ہاتھ سینک رہا تھا کہ وہاں سے ٹڈیوں کا ایک غول گزرا ایک آدمی نے دو ٹڈیاں مار ڈالیں اور اپنا احرام بھول گیا۔ پھر اس کو اپنا احرام یاد آتا تو ٹڈیوں کو پھینک دیا ۔ جب ہم مدینے سے داخل ہوئے تو ہم لوگ حضرت عمر (رض) کے پاس حاضر ہوئے اور میں بھی ساتھ تھا۔ حضرت کعب احبار (رح) نے حضرت عمر (رض) کو سارا قصہ سنایا دو ٹڈیوں کو مارنے کا۔ حضرت عمر (رض) نے کعب احبار سے پوچھا حمیری لوگ ٹڈیوں کو پسند کرتے ہیں، تم ہی بتاؤ کتنا اس کا بدلہ ہونا چاہیے ؟ کعب بولے دو درہم ۔ حضرت عمر (رض) (خوشی سے) بولے : واہ دو درہم تو سو ٹڈیوں سے بڑھ کر ہیں۔ خیر جو تو نے سوچا ہے اسی پر عمل کرلے۔ الشافعی، السنن للبیہقی