12814 سلمان بن یسار سے مروی ہے کہ ھبار بن الاسود نے ان کو بیان کیا کہ وہ یوم النحر کو حضرت عمر (رض) کے پاس قربان گاہ (منیٰ ) میں حاضر ہوئے اور عرض کیا : اے امیر المومنین ! ہم سے غلطی ہوگئی ہم اس دن کو (یعنی دس ذی الحجہ کو) عرفہ کا دن سمجھتے رہے ۔ تو حضرت عمر (رض) نے ان کو ارشاد فرمایا : مکہ جاؤ اور بیت اللہ کے سات چکر کاٹو اور صفاومروہ کی سعی کرو اور جو تمہارے ساتھ ہیں وہ بھی یہی اعمال کریں، پھر اگر تمہارے ساتھ ہدی کا جانور ہے تو اس کو (یہاں لاکر) قربان کرو پھر حلق کراؤ یا قصر کراؤ (سرمنڈؤ یا بال چھوٹے کرالو) جب آئندہ سال حج ہو تو حج کرو اور اپنے ساتھ ہدی کا جنور لیتے آؤ، اگر ہدی کا جانور نہ ملے تو تین دن ایام حج میں (یہیں ) روزے رکھو اور سات روزے واپس اپنے گھر جاکر رکھو۔ الصابونی فی الماتین، السنن للبیہقی