12815 امام مالک (رح) فرماتے ہیں ان کو یہ خبر پہنچی ہے کہ حضرت عمر بن خطاب (رض) حضرت علی بن ابی طالب (رض) اور حضرت ابوہریرہ (رض) سے سوال کیا گیا ایک آدمی حالت احرام میں اپنی گھر والی کے ساتھ مرتکب ہو بیٹھا تو اس کا کیا حکم ہے ؟ تو ان حضرات (رض) نے ارشاد فرمایا : اپنے اعمال حج کرتے رہیں حتیٰ کہ حج پورا ہوجائے پھر ان پر آئندہ سال حج ہے اور ساتھ ہی ہدی کا جانور لانا بھی۔ اور حضرت علی (رض) نے یہ بھی فرمایا کہ آئندہ سال حج کے موقع پر دونوں جدا جدا رہیں جب تک کہ حج نہ پورا کرلیں۔ موطا امام مالک کتاب الحج باب الھدی