13478 عروہ (رح) اور عطاءؒ سے مروری ہے کہ اہل یمن کا ایک قافلہ حرۃ مقام پر آکر ٹھہرا۔ ان کے ساتھ ایک عورت تھی جو کبھی شادی شدہ رہ چکی تھی۔ اہل قافلہ نے اس کو اس مقام پر (گھومنے پھرنے کے لئے) چھوڑ دیا۔ عورت نے جسم فروشی کی۔ یہ خبر حضرت عمر (رض) کو پہنچی تو حضرت عمر (رض) نے اس عورت کو بلوایا اور اس سے اس کے متعلق دریافت کیا۔ عورت بولی : میں مسکین عورت ہوں۔ کوئی میرا خیال ہی نہیں کرتا۔ میرے پاس بھی اپنا جسم بیچنے کے سوا اور کچھ نہ تھا۔ حضرت عمر (رض) نے اہل قافلہ سے اس بات کی تصدیق چاہی۔ اہل قافلہ نے عورت کی بات کی تصدیق کی۔ پھر حضرت عمر (رض) نے اس پر حد جاری کرائی اور پھر اس کو (سامان) لباس اور سواری مرحمت فرمائی اور اہل قافلہ کو فرمایا : اس کو اپنے ساتھ لے جاؤ لیکن اس واقعے کا ذکر کسی سے نہ کرنا۔ الجامع لعبد الرزاق