13483 نزال بن سبرہ سے مروی ہے فرماتے ہیں میں مکہ میں تھا کہ ہم لوگوں نے ایک عورت کو دیکھا جس کو لوگوں نے گھیر رکھا تھا قریب تھا کہ لوگ اس کو اشتعال میں قتل کردیتے۔ وہ کہہ رہے تھے۔ اس نے زنا کیا ہے۔ اس نے زنا کیا ہے۔ پھر حضرت عمر بن خطاب (رض) کی خدمت میں اس عورت کو پیش کیا گیا۔ وہ حاملہ بھی تھی۔ اس کے ساتھ اس کی قوم کے لوگ بھی آئے تھے جو اس کے متعلق اچھائی بیان کررہے تھے، حضرت عمر (رض) نے اس عورت سے پوچھا : تو مجھے اپنا معاملہ بیان کر۔ عورت بولی : اے امیر المومنین ! جس رات میرے ساتھ یہ واقعہ پیش آیا میں نے عشاء کی نماز پڑھی اور سو گئی۔ میری آنکھ کھلی تو میں نے اپنی ٹانگوں کے درمیان ایک آدمی کو موجود پایا۔ وہ میرے وجود میں انگارے کی مثل کوئی چیز ڈال چکا تھا۔ پھر وہ اٹھ کر چلا گیا۔
تب حضرت عمر (رض) نے اس قضیہ کا فیصلہ فرماتے ہوئے ارشاد فرمایا :
اگر ان دو پہاڑوں کے درمیاناس عورت کو قتل کیا گیا تو اللہ سب کو عذاب دے (کر ہلاک کردے) گا۔ پھر آپ (رض) نے اس عورت کا راستہ خالی کردیا۔ اس وقت حضرت عمر (رض) نے تمام شہروں کے حاکموں کو یہ فرمان لکھوا بھیجا کسی کو قتل میری اجازت کے بغیر نہ کرو۔
مصنف ابن ابی شیبہ، ابن جریر، السنن للبیہقی