13548 ابن عمر (رض) سے مروی ہے کہ میں اس وقت حاضرین میں شامل تھا جب نبی اکرم (صلی اللہ علیہ وآلہ وسلم) کے پاس دو یہودی لائے گئے، جنہوں نے زنا کیا تھا۔ آپ (صلی اللہ علیہ وآلہ وسلم) نے ان کے قاری کو بلوایا۔ چنانچہ وہ توراۃ لے کر حاضر ہوا۔ آپ (صلی اللہ علیہ وآلہ وسلم) نے اس سے پوچھا کہ کیا تم رجم کو اپنی کتاب میں پاتے ہو ؟ اس نے کہا : نہیں ! لیکن دونوں کو مخالف سمتوں میں منہ کرکے جانور پر بٹھا کر گھمایا جائے گا (یہ حکم موجود ہے) چنانچہ اس کو کہا گیا کہ اچھا پڑھ کر سنا۔ اس نے آیت رجم پر اپنا ہاتھ رکھ لیا۔ اور اس کے گردوپیش کی عبارت پڑھنے لگا۔ حضرت عبداللہ بن سلام نے فرمایا : اپنے ہاتھ پیچھے ہٹا۔ اس نے اپنا ہاتھ ہٹایا تو آیت الرجم سامنے موجود تھی لہٰذا رسول اللہ (صلی اللہ علیہ وآلہ وسلم) نے دونوں کے لیے حکم دے دیا اور دونوں کو رجم کردیا گیا۔ میں نے ان دونوں کو دیکھا تھا جب ان کو رجم کیا جارہا تھا وہ پتھروں سے اپنا بچاؤ کررہے تھے۔ الجامع لعبد الرزاق، ابن ماجہ