١٣٥٩۔۔ حضرت عمر (رض) سے مروی ہے کہ حضور کے اخیرزمانہ میں ایک نوجوان سفید لباس میں ملبوس آپ کی خدمت میں حاضر ہوا اور آکراستفسار کیا آپ اللہ کے رسول ہیں ؟ فرمایا بیشک ۔ پھر اجازت طلب کی کہ کیا میں آپ کے قریب ہوسکتا ہوں ؟ فرمایا قریب آسکتے پھر اس شخص نے اپنے ہاتھ آپ کے گھٹنوں پر رکھ دیے ، پھر اس نووارد نے مکرر استفسار کیا کیا آپ اللہ کے رسول ہیں ؟ فرمایا یقیناً دو مرتبہ یہ مکالمہ ہوا ۔ پھر سائل نے سوال کیا : اسلام کیا ہے ؟ فرمایا یہ کہ تم اس بات کی شہادت دو کہ اللہ کے سوا کوئی پرستش کے لائق نہیں وہ تنہا معبود ہے اور اس کا کوئی شریک نہیں ساجھی نہیں۔ اور یہ کہ محمد اللہ کے رسول ہیں۔ اور یہ کہ تم نماز قائم کرو زکوۃ ادا کرو، ماہ صیام کے روزے رکھو، بیت اللہ کا حج کرو، پھر پوچھا ایمان کیا ہے ؟ فرمایا یہ کہ تم اللہ پر اور اس کے ملائکہ پر اس کی کتابوں پر اور اس کے رسولوں پر ایمان لاؤ اور یوم آخرت اور ہر طرح کی تقدیر پر ایمان لاؤ، پھر پوچھا احسان کیا ہے ؟ فرمایا یہ کہ تم اللہ کی عبادت یوں کرو گویا کہ تم اس کو دیکھ رہے ہو پس اگر تم نہیں دیکھ رہے وہ تویقینا تمہیں دیکھ رہا ہے سائل نے عرض کیا اگر میں کیفیت کو پالوں تو کیا مین محسن شمار ہوں گا ؟ فرمایا بالکل۔
حضرت عمر (رض) فرماتے ہیں کہ مجھے اللہ کے پیغمبر نے بیان کیا کہ حضرت موسیٰ کی حضرت آدم کی حضرت آدم سے ملاقات ہوئی حضرت موسیٰ نے حضرت آدم سے سوال کیا : کیا آپ وہی آدم ہیں۔۔ کہ اللہ نے آپ کو اپنے دست قدرت سے تخلیق فرمایا ؟ اور پھر آپ کو مسجود ملائکہ بنایا ؟ اگر آپ اس عصیان کا ارتکاب نہ فرماتے تو آپ کی اولاد میں سے کوئی جہنم میں داخل نہ ہوتا حضرت آدم نے فرمایا کیا آپ وہی موسیٰ ہیں جن کو اللہ نے اپنی رسالت اور اپنے ساتھ کلام کرنے کے لیے منتخب فرمایا ؟ اس کے باوجود تم مجھ پر ایسی چیز کے متعلق کیسے ملامت کررہے ہو جبکہ اللہ نے اس کو میری پیدائش سے قبل میری تقدیر میں لکھ دیا تھا ؟ الغرض دونوں کا مناظرہ ہو اور حضرت آدم موسیٰ پر غالب آگئے۔ ابن جریر۔