13597 ام کلثوم بنت ابی بکر سے مروی ہے کہ حضرت عمر بن خطاب (رض) مدینہ میں رات کو گلیوں کا چکر کاٹتے تھے۔ ایک رات ایک آدمی اور عورت کو برے کام میں دیکھا۔ جب صبح ہوئی تو لوگوں سے فرمایا : تمہارا کیا خیال ہے اگر امام کسی مرد اور عورت کو برا کام کرتے دیکھے پھر وہ ان دونوں پر حد قائم کردے تو تم کیا کرو گے ؟ لوگوں نے کہا آپ امام (حاکم ) ہیں۔ ایسا کرنے میں صاحب اختیار ہیں۔ حضرت علی (رض) نے فرمایا : آپ کو اس کا اختیار نہیں۔ ایسی صورت میں آپ پر حد (تہمت) قائم کی جائے گی۔ کیونکہ اللہ تعالیٰ اس کام میں چار گواہوں سے کم پر راضی نہیں ہوا۔
چنانچہ حضرت عمر (رض) نے یہ بات کچھ عرصہ کے لیے یہیں روک دی ۔ پھر ایک مرتبہ دوبارہ سوال کیا تو لوگوں نے بھی پہلے جیسا جواب دیا اور حضرت علی (رض) نے بھی اپنی پہلی بات دھرادی۔
الخرائطی فی مکارم الاخلاق