13598 اسوددؤلی سے مروی ہے کہ حضرت عمر بن خطاب (رض) کے پاس ایک عورت کا مقدمہ لایا گیا جس نے چھ ماہ میں بچہ جن دیا تھا۔ آپ (رض) نے اس کو رجم کرنے کا ارادہ فرمایا یہ بات حضرت علی (رض) کو معلوم ہوئی تو ارشاد فرمایا اس عورت پر رجم نہیں ہوگا۔ کیونکہ اللہ تعالیٰ کا فرمان ہے :
وحملہ وفصالہ ثلثون شھدا۔
بچہ کے حمل اور دودھ چھڑانے کی مدت تیس ماہ ہے۔
نیز اللہ تعالیٰ کا فرمان ہے :
والوالدات یرضعن اولادھن حولین کاملین۔
اور والدائیں اپنی اولاد کو دو سال کامل دودھ پلائیں گی۔
چنانچہ اس طرح تیس ماہ پورے ہوگئے۔
الجامع لعبد الرزاق، عبد بن حمید، ابن المنذر، ابن ابی حاتم، السنن للبیہقی