١٣٦٣۔۔ ازمسند علقمہ (رض) ابن سوید بن علقمہ بن الحارث ابی سلمہ الدرانی سے روایت کرتے ہیں کہ ابوسلیمان الدارنی نے کہا میں نے علقمہ بن سوید بن علقمہ بن الحارث سے سناوہ کہتے ہیں میں نے اپنے جدامجد علقمہ بن الحارث سے سنا وہ فرما رہے تھے کہ میں حضور اکرم کی خدمت عالیہ میں حاضر ہوا اور میں اپنی قوم کے حاضر ہونے والے دیگر افراد سمیت ساتواں شخص تھا ہم نے حضور اکرم کو سلام عرض کیا آپ نے جواب مرحمت فرمایا، پھر ہم نے حضور سے گفتگو کی ، آپ کو ہماری گفتگو خوشگوار گزری تو آپ نے پوچھا کہ تم کون سے قبیلے کے لوگ ہو ؟ ہم نے عرض کیا ہم مومن ہیں۔ آپ نے فرمایا ہر قول کی ایک حقیقت ہوتی ہے تمہارے اس قول ایمان کی حقیقت کیا ہے ؟ ہم نے عرض کیا پندہ باتیں اس قول کی حقیقت ہیں۔ پانچ کا آپ نے ہمیں حکم فرمایا تھا اور دیگرپانچ ہمیں آپ کے قاصدوں کے ذریعہ معلوم ہوئیں اور آخری پانچ وہ ہیں جن کے ساتھ ہم زمانہ جاہلیت میں متصف ہوگئے تھے اور ہم اب تک ان باتوں پر عمل پیرا ہیں، الایہ کہ آپ کسی کی ممانعت فرمادیں۔۔ آپ نے استفسار فرمایا، میری کہی ہوئی پانچ باتیں کون سی ہیں ؟ ہم نے عرض کیا آپ نے ہمیں حکم دیا ہم اللہ پر اور اس کے ملائکہ پر اور اس کی کتابوں پر اور اس کے رسولوں پر ایمان لائیں اور پانچویں یہ کہ اچھی وہ بری تقدیر پر بھی ایمان لائیں، آپ نے فرمایا اور وہ پانچ جو میرے قاصدوں نے کہیں۔۔ کون سی ہیں ؟ ہم نے عرض کیا : آپ کے قاصدوں نے ہم کو حکم دیا کہ ہم اس بات کی شہادت دیں کہ اللہ کے سوا کوئی عبادت کے لائق نہیں اور وہ تن تنہا ہے اس کا کوئی ساجھی نہیں ۔ اور آپ اس کے بندے اور رسول ہیں، اور یہ کہ ہم فرض نماز قائم کریں ، فرض زکوۃ ادا کریں ماہ رمضان کے روزے رکھیں اور گرجانے کی استطاعت ہو تو بیت اللہ کا حج بھی کریں۔ آپ نے مزید استفسار کیا کہا اور وہ پانچ باتیں کون سی ہیں جن کو تم نے زمانہ جاہلیت میں اپنایا ؟ ہم نے عرض کیا، فراخی کے وقت شکر کرنا، مصیبت کے وقت صبر کرنا ملاقات کے وقت سچ بولنا، قضاء الٰہی پر راضی رہنا اور دشمنوں پر مصیبت آن پرے تو اس پر خوشی نہ کرنا، یہ سن کر رسول اللہ نے فرمایا یہ تو بڑے فقیہ وادیب لوگ ہیں۔ ان خصال کو اپنانے سے ممکن ہے کہ نبوت کی فصلیں پالیں۔ پھر آپ ہماری طرف مسکراتے ہوئے متوجہ ہوئے اور فرمایا میں مزید پانچ باتوں کی تم کو بطور خاص نصیحت کرتا ہوں تاکہ اللہ تعالیٰ لیے خیری کی تمام خصلتیں مکمل رمادے۔۔ جس چیز کونہ کھانا ہوا سے جمع نہ کرو۔ جس جگہ رہائش اختیار نہ کرنی ہو اس کی تعمیر نہ کرو۔ جو چیز کہ کل کو تم سے چھوٹ جانے والی ہے اس میں مقابلہ بازی نہ کرو اور اس اللہ سے ڈرتے رہو، جس کی طرف تم کو جانا ہے اور اسمیں رغبت و کوشش کرو، جس کی طرف تم کو کوچ کرنا ہے ، اور جہاں تمہیں ہمیشہ ہمیشہ رہنا ہے۔ المستدرک للحاکم۔