١٣٦٤۔۔ حضرت ابوموسی سے مرو ہے کہ حضرت جبرائیل (علیہ السلام) ایک اعرابی کی صورت میں رسول اکرم کے پاس تشریف لائے رسول اکرم اس صورت میں ان کو پہچان نہ سکے۔ جبرائیل (علیہ السلام) نے کہا : اے محمد ! ایمان کیا ہے ؟ فرمایا ایمان یہ ہے کہ تم اللہ پر یوم آخرت پر ملائکہ پر کتاب اللہ پر، نبیوں پر اور بعث بعد الموت پر ایمان لاؤ، نیز اچھی بری تقدیر پر بھی ایمان لاؤ۔ جبرائیل (علیہ السلام) نے عرضک یا اگر میں ان پر ایمان لے آؤں تو کیا میں مومن ہوجاؤں گا ؟ آپ نے فرمایا بالکل ، جبرائیل نے کہا آپ نے سچ فرمایا، پھر استفسار کیا اسلام کیا ہے ؟ یہ کہ تم لاالہ الا اللہ محمد رسول اللہ ، کی شہادت دو ، نماز قائم کرو، زکوۃ ادا کرو، بیت اللہ کا حج کرو، ماہ صیام کے روزے رکھو، جبرائیل (علیہ السلام) نے کہا، اگر میں ان کو بجالاؤں تو کیا میں مسلمان ہوجاؤں گا، ؟ آپ نے فرمایا بالکل ۔ جبرائیل (علیہ السلام) نے کہا آپ نے سچ فرمایا، پھر استفسار کیا احسان کیا ہے ؟ فرمایا یہ کہ تم اللہ کی عبادت یوں کرو کہ گویا تم اللہ کو دیکھ رہے ہو۔۔ پس اگر یہ کیفیت نہیں حاصل ہوتی اور تم اللہ کو نہیں دیکھ رہے تو وہ تویقینا تمہیں دیکھ رہا ہے جبرائیل نے کہا آپ نے سچ فرمایا، پھر جبرائیل لوٹ گئے اور ابوہریرہ (رض) ان کی تلاش میں نکل پڑے مگر نہ پاسکے۔ پھر آپ نے فرمایا یہ جبرائیل (علیہ السلام) تھے۔ تمہیں تمہارا دین سکھانے آئے تھے بمطابق دوسری روایت کے تمہیں تمہارا امردین سکھانے آئے تھے۔ کرر۔