13725 عن معمر عن سہل عن ابی صالح عن ابیہ عن ابوہریرہ کی سند سے مروی ہے کہ نبی اکرم (صلی اللہ علیہ وآلہ وسلم) نے ارشاد فرمایا : جب لوگ شراب نوشی کریں تو ان کو کوڑے مارو۔ تین مرتبہ آپ نے ایسا ہی فرمایا پھر فرمایا : اگر چوتھی بار شراب پئیں تو ان کو قتل کردو۔
معمر کہتے ہیں : میں نے یہ حدیث ابن المنکدر سے ذکر کی تو انھوں نے فرمایا : قتل کرنا متروک ہوچکا ہے کیونکہ نبی اکرم (صلی اللہ علیہ وآلہ وسلم) کے پاس ابن النعیمان کو لایا گیا تو آپ نے ان کو کوڑے مارے پھر کئی بار لائے گئے اور چوتھی یا اس سے زائد مرتبہ بھی آپ نے ان کو کوڑے مارے۔
الجامع لعبد الرزاق