13726 حضرت ابوہریرہ (رض) سے مروی ہے کہ رسول اللہ (صلی اللہ علیہ وآلہ وسلم) کے پاس ایک مے نوش لایا گیا۔ آپ (صلی اللہ علیہ وآلہ وسلم) نے اپنے اصحاب کو حکم دیا اور انھوں نے اس کو مارا۔ کسی نے اپنے جوتے سے مارا، کسی نے ہاتھوں سے مارا اور کسی نے اپنے کپڑے سے مارا۔ آخر آپ (صلی اللہ علیہ وآلہ وسلم) نے فرمایا رک جاؤ۔ پھر فرمایا : اب اس کو ڈانٹ ڈپٹ کرکے شرم دلاؤ۔ چنانچہ لوگ اس کو کچھ کچھ کہنے لگے : کیا تجھے رسول اللہ (صلی اللہ علیہ وآلہ وسلم) سے شرم نہیں آتی۔ ایسا کام کرتا ہے ! پھر رسول اللہ (صلی اللہ علیہ وآلہ وسلم) نے اس کو چھوڑ دیا۔ آخر جب وہ منہ پھیر کر چلا گیا تو لوگ اس کو بددعا دینے اور برا بھلا کہنے لگے۔ کوئی بولا : اللھم اخزہ اللھم العنہ اے اللہ ! اس کو رسوا کر، اس پر لعنت کر۔ رسول اللہ (صلی اللہ علیہ وآلہ وسلم) نے فرمایا : یوں نہ کہو اور اپنے کے خلاف شیطان کی مدد گار نہ بنو۔ بلکہ یوں کہو : اللھم اغفرلہ اللھم اھدہ، اے اللہ اس کی مغفرت فرما اے اللہ اس کو ہدایت بخش۔ دوسرے الفاظ ہیں : آپ نے فرمایا : شیطان کے مددگار نہ بنو بلکہ یوں کہو : رحمک اللہ اللہ تجھ پر رحم کرے۔ ابن جریر