١٣٨٠۔۔ ازمسند ابن عمر سے مروی ہے کہ رسول اکرم نے فرمایا دین پانچ اشیاء کا نام ہے ان میں سے اللہ کسی کو دوسری کے بغیر قبول نہ فرمائیں گے اس بات کی شہادت کہ اللہ کے سوا کوئی معبود نہیں اور محمداللہ کے رسول ہیں اور اس کے بندے ہیں اور اللہ پر اس کے ملائکہ پر اس کی کتابوں پر اس کے رسولوں پرا اور جنت جہنم پر اور اس موت کے بعد ایک مرتبہ دوبارہ اٹھائے جانے پر ایمان لانایہ ایک چیز ہوئی اور دوسری نماز ہے اور پنج گانہ اسلام کا ستون ہے اللہ تعالیٰ ایمان کو نماز وزکوۃ جو تیسرارکن ہے کے بغیر قبول نہ فرمائیں گے اور جس نے ان کو انجام دیا لیکن رمضان کے روزے جو چوتھا رکن ہے عمداچھوڑ دیا تب بھی اللہ ایمان کو قبول نہ فرمائیں گے ۔ اور جس نے ان چاروں اشیاء کو انجام دیا اور اس کے لیے حج کی کشادگی میسر ہوئی لیکن اس نے حج نہیں کیا اور نہ اس کی طرف سے اس کے اہل نے حج بدل کیا تو اللہ اس کے ایمان کو قبول نہ فرمائیں گے اور نہ نماز ، زکوۃ اور روزوں کو قبول فرمائیں گے ۔ آگاہ رہو۔۔ حج اللہ کے فریضوں میں سے ایک فریضہ ہے اور اللہ فرائض میں سے کسی کو کسی کے بغیر قبول نہ فرمائیں گے۔ ابن جریر۔ اس کی اسنادی حیثیت ضعیف ہے۔