١٣٨٢۔۔ از مسند معاویہ بن حیدہ بہز بن حکیم اپنے والد سے اور وہ اپنے دادا سے روایت کرتے ہیں کہ میں رسول اکرم کے پاس حاضر ہوا اور عرض کیا یارسول اللہ میں آپ کے پاس اپنی انگلیوں کے شمار برابر قسم اٹھا کر آیاہوں اس بات پر کہ میں آپ کی اتباع کرو گا اور نہ آپ کے دین کی اتباع کرو، کیونکہ آپ ایسی بات لائے ہیں جو میں نہیں سمجھ سکا سوائے اس کے اب اللہ اور اس کا رسول جو کچھ سکھادیں پس اب میں آپ سے سوال کرتا ہوں کہ تیرے رب نے کس بات کے ساتھ تجھ کو مبعوث کیا ہے ؟ آپ نے فرمایا بیٹھ جاؤ فرمایا اسلام کے ساتھ میں نے کہا اسلام کی نشانی کیا ہے ؟ فرمایا یہ کہ تم ۔ لاالہ الللہ محمد رسول اللہ ، کی شہادت دو ۔ نماز قائم کرو، زکوۃ ادا کرو، شرک سے قطعا جدا ہوجاؤ اور ہر مسلمان کی جان ومال دوسرے مسلمان کے لیے حرام ہے۔ دونوں بھائی بھائی ہیں۔ باہم مددگار ہیں۔ جس نے اسلام کیس اتھ کسی کو شریک کیا اللہ اس کا کوئی عمل قبول نہ فرمائیں گے۔ اور میرا رب مجھے بلانے والا ہے پھر مجھ سے سوال کرے گا کہ میرے بندوں کو دعوت پہنچادی یا نہیں ؟ پس تم میں سے حاضرین وغائبین کو یہ دعوت پہنچادیں۔ اور تم قیامت کے روز مونہوں پر مہر لگے ہوئے بلائے جاؤ گے پس سب سے پہلے جو کسی چیز کے بارے میں سوال کیا جائے گا وہ ران اور ہاتھ ہیں، میں نے کہا یارسول اللہ کیا یہ ہمارا دین ہے فرمایا ہاں اور تم جہاں ہو گے یہ تمہیں کافی ہوگا اور تم اس حالت میں جمع کیے جاؤ گے کہ کچھ تم میں سے مونہوں کے بل آئیں گے اور کچھ قدموں پر اور کچھ سوار ہو کر آئیں گے۔ شعب الایمان۔