13840 حضرت ابوسعید خدری (رض) سے مروی ہے کہ وفد عبدالقیس جب نبی اکرم (صلی اللہ علیہ وآلہ وسلم) کی خدمت میں آیا تو انھوں نے عرض کیا : اے اللہ کے نبی ! اللہ ہم کو آپ پر قربان کرے، ہمارے لیے کون کون سے مشروب درست ہیں ؟ آپ (صلی اللہ علیہ وآلہ وسلم) نے فرمایا : نقیر میں (کوئی مشروب) نہ پیو ۔ انھوں نے پوچھا : یارسول اللہ ! اللہ ہم کو آپ پر فدا کرے، کیا آپ جانتے ہیں نقیر کیا ہے ؟ آپ (صلی اللہ علیہ وآلہ وسلم) نے فرمایا : کھجور کا تنا جس کو درمیان سے کھوکھلا کرلیا جائے۔ نیز فرمایا دباء اور حنتم سے بھی احتراز کرو۔ اور ہاں سر بند مشکیزے استعمال کرو۔ الجامع لعبد الرزاق