١٣٨٨۔۔ قبیض بن جابر الاسدی سے مروی ہے کہ ایک شخص حضرت علی (رض) کی طرف کھڑا ہوا اور کہنے لگا اے امیرالمومنین ایمان کیا ہے ؟ فرمایا ایمان چار ستونوں پر قائم ہے اور صبر یقین جہاد اور عدل، پھر صبر کے چار شعبے ہیں شوق ، خوف، زہد اور انتظار ، جو جنت کا مشتاق ہو وہ شہوتوں سے کنارہ کش ہوگیا۔ اور جس کو جہنم کا خوف دامن گیر ہواوہ محرمات کے ارتکاب سے باز آگیا۔ اور جس نے دنیا کی حقیقت کو دیکھ لیا اور اس پر دنیا کے مصائب آسان ہوگئے۔ اور یہی زہد ہے اور جو موت کا منتظر ہوا اور امور خیر کی طرف سرعت سے رواں ہوا۔
اور یقین کے بھی چار شعبے ہیں ذہانت میں غور کرنا دانائی حکمت کو سمجھنا اور عبرت انگیزی اختیار کرنا اور اگلے لوگوں کی سنت اپنانا سو جس نے ذہانت میں غور و تدبر سے کام لیا، حکمت و دانائی کو جان گیا۔ اور جس نے حکمت و دانائی کو پالیا اس نے عبرت حاصل کرلی اور جس نے عبرت حاصل کرلی وہ درحقیقت اولین میں شمار ہے۔ اور عدل کے بھی چار شعبے ہیں تعمق فہم، رونق ، علم شرعیت حکم روضہ حلم۔ سو جس نے تعمق فہم سے کام لیا اس نے جمیع علوم کی تفسیر کرلی۔ اور جس نے علم کو جان لیا اس نے احکام شرائع کی معرفت حاصل کی۔ اور جو احکام شریعت پر مستحکم ہوا اس نے دین میں کوئی کمی نہ چھوڑی اور وہ لوگوں میں بھی راحت وفراخی کے ساتھ جی سکے گا۔ اور جہاد کے بھی چار شعبے ہیں امربالمعروف نہی عن المنکر ہر کام میں سچائی اورفاسقین کے فسق سے بغض۔ سو جس نے معروف ونی کی کا حکم دیا اور اس نے مومن کی پشت پناہی کی اور جس نے منکر وشنیع بات سے منع کیا اس نے منافق کی ناک مٹی میں ملادی۔ اور جس نے ہر کام میں سچائی اختیار کی اپنے پر پڑنے والی ذمہ داریوں سے عہدہ برآمد ہوا اور جس نے فاسقین سے ان کے فسق کی وجہ سے بغض رکھا اور اللہ ہی کے لیے غضب آلود ہوا اللہ اس کے لیے غضب ناک ہوا۔ اس کے بعد سائل کھڑا ہو اور حضرت علی کے سراقدس کو بوسہ دیا۔ ابن ابی الدنیا فی الامر بالمعروف ونہی عن المنکر ، الالکائی ، کرر۔