14052 علی بن کثیر سے مروی ہے کہ حضرت ابوبکر (رض) نے حضرت ابوعبیدۃ بن الجراح (رض) کو فرمایا : تم آجاؤ میں تمہاری بیعت کرتا ہوں۔ کیونکہ میں نے رسول اللہ (صلی اللہ علیہ وآلہ وسلم) کو ارشاد فرماتے ہوئے سنا ہے کہ تم اس امت کے امین ہوں۔ حضرت ابوعبیدۃ بن الجراح (رض) نے فرمایا : میں ایسا نہیں کرسکتا کہ ایسے شخص کے آگے کھڑا ہو کر نماز پڑھاؤں جس کو رسول اللہ (صلی اللہ علیہ وآلہ وسلم) نے حکم دیا اور وہ آپ (صلی اللہ علیہ وآلہ وسلم) کی وفات تک ہماری امامت کراتے رہے (یعنی حضرت ابوبکر (رض)) ۔
ابن شاھین، ابوبکر الشافعی فی الغیلانیات، ابن عساکر