14053 حضرت جابر (رض) سے مروی ہے کہ میں حضرت ابوبکر (رض) کے پاس کچھ مانگنے گیا۔ آپ نے مجھے منع فرمادیا۔ میں پھر مانگنے گیا آپ نے پھر منع فرمادیا۔ میں پھر گیا اور آپ نے منع فرمایا تو میں نے عرض کیا : یا تو آپ بخل فرما رہے ہیں ورنہ آپ کیوں نہیں کچھ دیدیتے ؟ حضرت ابوبکر (رض) نے فرمایا : کیا تو مجھے بخیل بنارہا ہے حالانکہ بخل سے بڑھ کر کوئی بیماری نہیں ہے تو جب بھی میرے پاس آیا میرا تجھے دینے کا ارادہ ہر دفعہ تھا (لیکن استطاعت نہ تھی) ۔
مصنف ابن ابی شیبہ، البخاری ، مسلم ، المحاملی فی امالیہ ، السنن للبیہقی