14097 حضرت عمر بن خطاب (رض) سے مروی ہے کہ جس دن رسول اکرم (صلی اللہ علیہ وآلہ وسلم) کا انتقال ہوا اسی روز حضرت ابوبکر (رض) کی بیعت کرلی گئی۔ اس سے اگلے روز حضرت فاطمہ (رض) حضرت علی (رض) کے ساتھ حضرت ابوبکر (رض) کے پاس آئیں اور عرض کیا : میرے والد رسول اللہ (صلی اللہ علیہ وآلہ وسلم) کی میراث مجھے دیں۔ حضرت ابوبکر (رض) نے پوچھا : کیا وراثت میں یا آپ (صلی اللہ علیہ وآلہ وسلم) نے تم کو دینے کا فرمایا تھا ؟ فاطمہ (رض) نے فرمایا : فدک، خیبر اور مدینے کے اموال صدقات میں میں ان کی وارث بنوں گی جس طرح آپ کے انتقال کے بعد آپ کی بیٹیاں وارث بنیں گی۔ حضرت ابوبکر (رض) نے ارشاد فرمایا : اللہ کی قسم تیرا بات مجھ سے بہتر تھا اور تم میری بیٹیوں سے بہتر ہو۔ اور رسول اللہ (صلی اللہ علیہ وآلہ وسلم) نے ارشاد فرمایا تھا : ہم اپنا وارث کسی کو نہیں بناتے، جو چھوڑ کر جاتے ہیں وہ صدقہ ہوتا ہے۔ یعنی یہ مذکورہ اموال۔ لہٰذا اگر تم کو معلوم ہے کہ تمہارے والد مکرم نے یہ اموال تم کو عطا کردیئے ہیں تو ہاں کرو، ہم تمہاری بات خدا کی قسم قبول کریں گے اور تم کو یہ اموال دیدیں گے۔ حضرت فاطمہ (رض) نے فرمایا : میرے پاس ام ایمن (حضور (صلی اللہ علیہ وآلہ وسلم) کی باندی اور آپ کی پرورش کرنے والی) آئی تھیں انھوں نے فرمایا : آپ (صلی اللہ علیہ وآلہ وسلم) نے مجھے فدک دیدیا ہے۔ حضرت عمر (رض) نے فرمایا : ہاں میں نے رسول اللہ (صلی اللہ علیہ وآلہ وسلم) کو فرماتے ہوئے سنا ہے کہ یہ باغ فدک تمہارے لیے ہے۔ پس تم نے بھی یہ سنا ہے اور میں تمہاری بات قبول کرتا ہوں۔ حضرت فاطمہ (رض) نے فرمایا : میرے پاس جو علم تھا میں نے تم کو بتادیا ۔ ابن سعد
کلام : روایت کے تمام راوی ثقہ ہیں سوائے واقدی کے جو انتہائی ضعیف ہے۔