14098 ام خالد بنت (خالد) بن سعید بن العاص سے مروی ہے کہ حضرت ابوبکر (رض) کی بیعت ہوجانے کے بعد میرے والد یمن سے مدینہ تشریف لے آئے ۔ انھوں نے حضرت علی (رض) اور حضرت عثمان (رض) کو کہا : تم بنی عبدمناف (ابوبکر) پر کس طرح راضی ہوگئے کہ وہ تمہاری جگہ ابوبکر (رض) نے اس پر کوئی مواخذہ نہ فرمایا : لیکن حضرت عمر (رض) کے دل میں یہ بات بیٹھ گئی۔ میرے والد خالد تین ماہ بغیر ابوبکر (رض) کے بیعت کیے ٹھہرے رہے۔ پھر ایک مرتبہ حضرت ابوبکر (رض) خالد کے پاس جب وہ اپنے گھر میں تھے گزرے اور ان کو سلام کیا۔ خالد نے (سلام کے جواب کے بعد) عرض کیا : کیا آپ پسند کرتے ہیں کہ میں آپ کی بیعت کروں ؟ حضرت ابوبکر (رض) نے ارشاد فرمایا : مجھے اچھا لگے گا اگر تم اس خیر میں شامل ہوجاؤ جس میں سب مسلمان شامل ہیں۔ حضرت خالد (رض) نے فرمایا : میں آپ سے شام کا وعدہ کرتا ہوں اس وقت میں آپ کی بیعت کرلوں گا۔ چنانچہ وہ مقررہ وقت پر حاضر ہوئے اس وقت حضرت ابوبکر (رض) منبر پر تشریف فرما تھے۔ چنانچہ خالد نے آپ کی بیعت کرلی۔ حضرت ابوبکر (رض) کی رائے ان کے بارے میں اچھی تھی اور آپ (رض) خالد کی تعظیم کرتے تھے۔ چنانچہ حضرت ابوبکر (رض) نے جب مسلمانوں کے لیے جھنڈا تیار کیا تو وہ جھنڈا لے کر خالد (رض) کے گھر تشریف لائے۔ حضرت عمر (رض) نے ابوبکر (رض) سے بات کی اور عرض کیا : آپ خالد کو والی بنا رہے ہیں حالانکہ وہ ایسا ایسا کہتے ہیں۔ اسی طرح حضرت عمر (رض) ابوبکر (رض) پر اصرار کرتے رہے حتیٰ کہ حضرت ابوبکر (رض) نے ابواروی الدوسی کو خالد (رض) کے پاس بھیجا۔ انھوں نے جاکر پیغام دیا کہ خلیہ رسول اللہ ! آپ کو فرماتے ہیں کہ ہمارا جھنڈا واپس کردیں۔ چنانچہ حضرت خالد (رض) نے جھنڈا نکال کر دیدیا اور فرمایا : اللہ کی قسم ! ہم کو تو تمہاری حکمرانی نے خوش کیا اور نہ تمہارے معزول کرنے نے ہم کو غم گین کیا۔ اور ملامت کرنے والا (بیخ کنی کرنے والا) تمہارے سوا کوئی اور ہے۔
ام خالد فرماتی ہیں : اتنے میں مجھے حضرت ابوبکر (رض) میرے والد کے پاس داخل ہوتے دکھائی دیئے۔ حضرت ابوبکر (رض) آکر میرے والد سے معذرت کرنے لگے۔ اور ان کو تاکید فرمائی کہ حضرت عمر (رض) سے اس کے متعلق کوئی بات نہ کریں۔ چنانچہ اللہ کی قسم ! میرے والد حضرت عمر (رض) پر ہمیشہ ترس کھاتے رہے حتیٰ کہ ان کی وفات ہوگئی۔ ابن سعد