14138 حضرت اسلم سے مروی ہے کہ رسول اللہ (صلی اللہ علیہ وآلہ وسلم) کی وفات کے بعد جب حضرت ابوبکر (رض) کی بیعت کی گئی تو حضرت علی (رض) اور حضرت زبیر (رض) حضرت فاطمہ (رض) بنت رسول اللہ (صلی اللہ علیہ وآلہ وسلم) کے پاس آتے اور مشورہ کرتے اور اپنے معاملے میں سوچ بچار کرتے۔ یہ بات حضرت عمر بن خطاب (رض) کے پاس پہنچی تو وہ حضرت فاطمہ (رض) کے پاس تشریف لائے اور فرمایا : اے بنت رسول اللہ ! مجھے مخلوق میں تیرے باپ سے زیادہ کوئی محبوب نہیں اور تیرے باپ کے بعد تجھ سے زیادہ ہم کو کوئی محبوب نہیں۔ اللہ کی قسم ! یہ کیا معاملہ ہے کہ یہ لوگ تمہارے پاس جمع ہو کر بات کرتے ہیں یہ باز آجائیں ورنہ میں ان کا دروازہ جلادوں گا۔ یہ کہہ کر حضرت عمر (رض) وہاں سے نکل آئے پھر مذکورہ حضرات اندر آئے تو حضرت فاطمہ (رض) نے فرمایا : جانتے ہو ، میرے پاس عمر آئے تھے وہ قسم کھا کر گئے ہیں کہ اگر تم دوبارہ ادھر اختلافی باتوں میں شامل ہوئے تو وہ تمہارا دروازہ جلادیں گے۔ اللہ کی قسم وہ جو کہہ کر گئے ہیں کر گزریں گے۔ لہٰذا تم اپنی رائے سے باز آجاؤ اور آئندہ میرے پاس اس لیے نہ آنا۔ چنانچہ وہ حضرات لوٹ گئے اور حضرت فاطمہ سے ان کے متعلق دوبارہ کوئی بات نہ کی حتیٰ کہ انھوں نے حضرت ابوبکر (رض) کی بیعت کرلی۔ مصنف ابن ابی شیبہ