14177 حضرت عائشہ (رض) سے مروی ہے کہ حضرت ابوبکر (رض) کی وفات کا وقت قریب آیا تو انھوں نے حضرت عمر (رض) کو خلیفہ بنادیا۔ حضرت علی اور طلحہ (رض) حضرت ابوبکر (رض) کے پاس داخل ہوئے اور پوچھا : آپ نے کس کو خلیفہ بنایا ہے ؟ حضرت ابوبکر (رض) نے حضرت عمر (رض) کا نام لیا۔ دونوں حضرات بولے : آپ اپنے پروردگار کو کیا جواب دیں گے ؟ حضرت ابوبکر (رض) نے فرمایا : تم مجھے اللہ سے ڈراتے ہو، میں اللہ کو اور عمر کو تم سے زیادہ جانتا ہوں ۔ میں کہوں گا : میں نے ان پر تیرے بندوں میں سے سب سے اچھے شخص کو خلیفہ بنادیا ہے۔ ابن سعد