14178 زید بن ابی الحارث سے مروی ہے کہ جب حضرت ابوبکر (رض) کی وفات کا وقت قریب آیا تو انھوں نے حضرت عمر (رض) کو پیغام دے کر بلوایا تاکہ ان کو خلیفہ بنائیں۔ لوگوں نے آپ سے عرض کیا : کیا آپ ہم پر عمر کو خلیفہ بنائیں گے، جو سخت مزاج ترش انسان ہیں۔ اگر وہ ہم پر والی بنادیئے گئے تو مزید ترش اور سخت مزاج ہوجائیں گے۔ پھر آپ اپنے رب سے ملو گے تو اس کو کیا جواب دو گے اگر آپ نے ہم پر عمر کو خلیفہ بنادیا ؟ حضرت ابوبکر (رض) نے فرمایا : کیا تم مجھے اللہ سے ڈراتے ہو، میں کہوں گا : اے اللہ ! میں نے ان پر تیرے اہل میں سے سب سے بہتر انسان کو خلیفہ نامزد کردیا ہے۔ مصنف ابن ابی شیبہ
ابن جریر نے اس روایت کو اسماء بنت عمیس سے بھی روایت کیا ہے۔