14279 حضرت عثمان (رض) کے غلام زائدہ سے مروی ہے کہ حضرت عثمان بن عفان (رض) نے حضرت علی ابن ابی طالب (رض) کو پیغام بھیج کر بلوایا۔ حضرت علی (رض) تشریف لے آئے پھر دونوں کے درمیان تھوڑی دیر تک سرگوشیوں میں بات چیت ہوتی رہی۔ اچانک حضرت علی (رض) غضب آلودہ اٹھ کھڑے ہوئے۔ حضرت عثمان (رض) نے حضرت علی (رض) کے دامن کا کونا تھام کر آپ کو بٹھانے کی کوشش کی لیکن حضرت علی (رض) نے انکار کردیا اور ان کے ہاتھ پر ہاتھ مار کر دامن چھڑایا اور چلے گئے۔
لوگوں نے کہا : سبحان اللہ ! علی نے امیر المومنین کے حق کی ناقدری کی۔ حضرت عثمان (رض) نے لوگوں کو مخاطب ہو کر فرمایا : ان کو چھوڑ دو ، یہ خلافت کی مٹھاس نہیں پاسکتے اور نہ ان کی اولاد میں سے کوئی۔ زائدہ کہتے ہیں : میں نے حضرت سعد بن ابی وقاص (رض) کے پاس جاکر یہ واقعہ سنایا اور حضرت عثمان (رض) کی پیش گوئی کو تو بڑے تعجب خیز انداز میں آکے گوش گزار کیا۔ حضرت سعد (رض) نے فرمایا : تمہیں اس میں اتنا تعجب کیوں ہورہا ہے، میں نے رسول اکرم (صلی اللہ علیہ وآلہ وسلم) کو ارشاد فرماتے ہوئے سنا تھا :
وہ (علی (رض)) اس (خلافت) کی حلاوت پاسکیں گے اور نہ ان کی اولاد میں سے کوئی ایک۔
الضعفاء لعقیلی
کلام : امام عقیلی (رح) فرماتے ہیں : یہ حدیث منکر (جھوٹی) ہے۔ زائدہ کے علاوہ کسی اور نے ایسی کوئی روایت نقل نہیں کی۔ اور زائدہ مدنی ہے اور مجہول شخص۔ ابوحاتم کہتے ہیں : یہ منکر ہے، ذھبی نے میزان میں ایسا ہی کہا ہے۔