14307 فضل بن عمیرۃ سے مروی ہے کہ احنف بن قیس ایک عراقی وفد کے ساتھ حضرت عمر بن خطاب (رض) کے پاس حاضر ہوئے وہ دن انتہائی سخت گرمی کا دن تھا۔ حضرت عمر (رض) (دھوپ میں) ایک محنت مزدوری والی عبا پہنے ہوئے صدقے کے ایک اونٹ کو تیل مل رہے تھے۔ حضرت عمر (رض) نے احنف بن قیس کو فرمایا : اے احنف ! اپنے کپڑے بدل لو اور آجاؤ، آکر المومنی کی مدد کرو اس اونٹ کی خدمت کرنے میں۔ یہ اونٹ صدقہ کا اونٹ ہے اس میں یتیم، مسکینوں اور فقیروں کا حق ہے۔ ایک آدمی نے کہا : یا امیر المومنین ! اللہ آپ کی مغفرت کرے، آپ صدقے کے غلاموں میں سے کسی غلام کو کیوں نہیں حکم دیدیتے ، وہ یہ کام اچھی طرح انجام دے لے گا۔
حضرت عمر (رض) نے اس کو ارشاد فرمایا :
اے فلانی کے بیٹے ! مجھ سے اور احنف بن قیس سے بڑا غلام کون ہوگا بیشک جو مسلمانوں کا امیر ہوتا ہے وہ مسلمانوں کا غلام ہوتا ہے، اس پر رعایا کی خدمت اسی طرح واجب ہے جس طرح غلام پر اپنے آقا کی خدمت واجب ہوتی ہے ، کہ اس کے ذمہ آقا کی خیر خواہی اور اس کی امانت کی ادائیگی لازم ہے۔ فی المداراۃ