14327 حضرت انس بن مالک (رض) سے مروی ہے ، حضرت عمر بن خطاب (رض) نے ان سے پوچھا : جب تم کسی شہر کا محاصرہ کرتے ہو تو کیا کرتے ہو ؟ انس (رض) نے کہا : ہم ایک آدمی کو شہر کی طرف بھیج دیتے ہیں (تاکہ وہ دروازہ کھول آئے) اور کھال کا لباس اس کو پہنا دیتے ہیں۔ حضرت عمر (رض) نے فرمایا : اگر اس کو شہر والے فصیل سے پتھر ماریں تو ؟ انس (رض) نے عرض کیا : تب وہ قتل ہوجائے گا۔ حضرت عمر (رض) نے فرمایا : تب تم ایسا ہرگز نہ کیا کرو قسم ہے اس ذات کی جس کے ہاتھ میں میری جان ہے ! مجھے یہ بات خوشگوار نہیں لگتی کہ تم ایک مسلمان کی جان دے کر چار ہزار جنگجوؤں سے بھرے شہر کو فتح کرلو۔
الشافعی، السنن للبیہقی