14328 طاؤ وس (رح) سے مروی ہے کہ حضرت عمر (رض) نے ارشاد فرمایا : تمہارا کیا خیال ہے اگر میں تم لوگوں پر ایسے شخص کو عامل، امیروگورنر مقرر کردوں جو میرے علم میں تم سب میں بہتر شخص ہو پھر میں اس کو عدل و انصاف کا حکم بھی دوں تو کیا میں نے اپنے ذمے لازم حق کو پورا کردیا ؟ لوگوں نے عرض کیا : جی ہاں۔ آپ (رض) نے ارشاد فرمایا : نہیں، جب تک کہ میں اس کے عمل کو نہ دیکھوں کہ اس نے میرے حکم پر عمل کیا ہے یا نہیں۔ السنن للبیہقی، ابن عساکر