14375 شعبی (رح) سے مروی ہے کہ حضرت مغیرہ بن شعبہ (رض) نے ابوعبیدۃ بن الجراح (رض) سے عرض کیا : رسول اللہ (صلی اللہ علیہ وآلہ وسلم) نے آپ کو ہم پر امیر مقرر فرمایا ہے جبکہ ابن النابغۃ ۔ عمرو بن العاص (رض) قوم سے آس لگائے بیٹھے ہیں (کہ ان کو امیر بنادیا جائے) وہ آپ کی اتباع میں نہیں ہیں۔ حضرت ابوعبیدۃ (رض) نے فرمایا : رسول اللہ (صلی اللہ علیہ وآلہ وسلم) نے ہم کو حکم فرمایا تھا کہ ہم ان کی اتباع کریں لہٰذا میں تو ان کی اتباع کروں گا رسول اللہ (صلی اللہ علیہ وآلہ وسلم) کی تعمیل ارشاد میں خواہ عمرو بن العاص میری نافرمانی کیوں نہ کرے۔
السن لسعید بن منصور