14376 طاؤس (رح) سے مروی ہے کہ حضور اکرم (صلی اللہ علیہ وآلہ وسلم) نے حضرت ابوذر (رض) کو فرمایا : کیا بات ہے میں تم کو بہت زیادہ اور تیز بولنے والا دیکھتا ہوں (تمہاری اس عادت کی وجہ سے) جب تم کو مدینے سے نکالا جائے گا تب تمہارا کیا حال ہوگا ؟ حضرت ابوذر (رض) نے عرض کیا : میں سرزمین میں مقدس چلا جاؤں گا۔ ارض فلسطین
حضور اکرم (صلی اللہ علیہ وآلہ وسلم) نے فرمایا : جب م کو وہاں سے بھی نکال دیا جائے گا تب کیا کروگے ؟ ابوذر (رض) نے عرض کیا : میں مدینہ آجاؤں گا۔ حضور (صلی اللہ علیہ وآلہ وسلم) نے فرمایا : پھر وہاں سے بھی تم کو نکال دیا جائے گا تب کیا کرو گے ؟ حضرت ابوذر (رض) نے عرض کیا : تب میں اپنی تلوار سونت لوں گا اور اس کے مقابلہ کروں گا۔ حضور اکرم (صلی اللہ علیہ وآلہ وسلم) نے ارشاد فرمایا : نہیں ایسا نہ کرنا۔ بلکہ تم اپنے امیر کی بات سننا اور اس کی اطاعت کرنا خواہ وہ کالا غلام ہو۔
امیر کی اطاعت کی جائے اگرچہ حبشی غلام ہو
چنانچہ (دور عثمان (رض)) میں جب حضرت ابوذر (رض) (مدینہ سے باہر) (بذۃ مقام پر) قیام کے لیے بھیجے گئے تو وہاں کا امیر ایک کالا غلام تھا جو حضرت عثمان (رض) کی طرف سے مقرر کیا گیا تھا۔ اس امیر غلام نے حضرت ابوذر (رض) کی موجودگی میں اذان دی اور پھر نماز کے لیے اقامت کہی اور حضرت ابوذر (رض) کی خدمت میں درخواست کی۔ کہ آگے بڑھیے اور نماز پڑھائیے۔ حضرت ابوذر (رض) نے ارشاد فرمایا : نہیں، رسول اللہ (صلی اللہ علیہ وآلہ وسلم) نے مجھے حکم فرمایا تھا کہ امیر کی سننا اور اطاعت کرنا خواہ وہ کالا غلام ہو۔ چنانچہ امیر آگے بڑھا اور اس نے نماز پڑھائی اور حضرت ابوذر (رض) نے اس کی اتباع میں نماز پڑھی۔
الجامع لعبد الرزاق