14380: حضرت ابوہریرہ (رض) سے مروی ہے کہ رسول اللہ (صلی اللہ علیہ وآلہ وسلم) کا ارشاد ہے کہ بنی اسرائیل کے انبیاء بنی اسرائیل کے امور کا انتظام فرماتے تھے جب بھی کوئی نبی دنیا سے رخصت ہوتا تو اللہ تعالیٰ اس کی جگہ دوسرے نبی کو مبعوث فرماتے تھے لیکن میرے بعد کوئی نبی نہیں آئے گا صحابہ کرام (رض) نے عرض کیا یا رسول اللہ (صلی اللہ علیہ وآلہ وسلم) پھر آپ (صلی اللہ علیہ وآلہ وسلم) کے بعد کیا ہوگا ؟ نائبین بہت ہوں گے تم بیعت کرو اور جو حقوق تم پر لازم ہوں ان کو پورا کرو کیونکہ اللہ تعالیٰ ان کے بارے میں پوچھے گا اور ایک روایت میں یوں ہے اللہ تعالیٰ ان کی رعایا بننے کے بارے میں سوال کرے گا۔ ابن جریر۔