١٤٤٣۔۔ ازمسند عقبہ بن عامر الجہنی، عقبہ بن عامر الجہنی سے مروی ہے کہ ہم کسی سفر میں رسول اللہ کے ہمراہ تھے اور ہر دن ہم میں سے کسی کی اونٹوں کی چرانے کی باری ہوتی تھی تو جس دن میری باری آئی میں لوٹا تو دیکھا کہ رسول اکرم ایک حلقہ میں اصحاب کرام سے فرما رہے تھے کہ جس نے اچھی طرح وضوء کیا پھر دورکعات نماز اللہ کی رضا کے لیے ادا کیں تو اللہ اس کے گزشتہ گناہوں کو معاف فرمادیں گے یہ سن کر میں نے خوشی کے مارے اللہ کہا پیچھے سے کسی نے میرے شانوں پر اپنا ہاتھ رکھ دیا میں متوجہ ہوا تو دیکھا کہ حضرت ابوبکر موجود ہیں آپ نے فرمایا اے ابن عامر، اس سیپہلے بات اس سے زیادہ افضل ہے میں نے عرض کیا وہ کیا ہے ؟ آپ نے فرمایا رسول اللہ نے فرمایا جو لاالہ الا اللہ کہتاہو اور اس کی زبان اس کے دل کی تصدیق کرتی ہو تو وہ جنت کے آٹھوں دروازوں میں سے جس سے چاہے داخل ہوجائے۔ ابن النجار۔