١٤٤٤۔۔ عقبہ بن عامر سے منقول ہے کہ میں بارہ سواروں کے ساتھ چلا۔۔ حتی کہ ہم دربار رسول میں پہنچ گئے پھر میرے رفقاء نے کہا ہمارے پیچھے سے کون ہمارے اونٹوں کو چرائے گاتا کہ ہم آپ کے ملفوظات سے کچھ اقتباس کر آئیں، پس جب وہ جائے گا توتب ہم سننے جائیں گے میں نے یہ کام اپنے ذمہ لے لیا، اور چند یوم کرتا رہا، پھر میرے دل میں خیال ہوا کہ شاید میں دھوکا میں پڑگیا ہوں کہ جو میرے ساتھی سنتے ہوں گے وہ مجھے کہاں نصیب ہوگا ، اور وہ جو کچھ رسول اللہ سے سیکھتے ہوں گے میں اس سے محروم رہ جاتاہوں تو پھر میں بھی ایک دن حاضر ہوا ایک شخص کو دیکھا کہ وہ کہہ رہا ہے نبی نے فرمایا جس نے وضو کامل طریقہ سے ادا کیا وہ گناہوں سے اس دن کی طرح پاک ہوجائے گا جس دن اس کی مان نے اس کو جنم دیا تھا، میں نے اس پر تعجب کا اظہار یا تو مجھے عمر نے فرمایا گرتم اس سے قبل والاکلام سن لیتے تو اس سے زیادہ تعجب کرتے میں نے عرض کیا مجھے سنائیے اللہ مجھے آپ پر قربان کرے۔ حضرت عمر نے فرمایا رسول اللہ نے فرمایا جس کی اس حالت میں وفات آئے کہ وہ اللہ کے ساتھ کسی کو شریک نہ کرتا ہو تو اللہ اس کے لیے جنت کے تمام دروازے کھول دیتے ہیں جس سے وہ چاہے داخل ہوجائے اور جنت کے آٹھ دروازے ہیں۔ ابوہریرہ رسول اللہ کے پاس سے نکلے تو میں آپ کی سامنے رخ پر بیٹھ گیا لیکن آپ نے مجھ سے اپنا رخ زیبا موڑ لیا، میں پھر سامنے آگیا آپ نے پھرچہرہ اقدس موڑ لیا کئی مرتبہ ایسا ہوا آخرچوتھی مرتبہ میں نے عرض کیا یارسول اللہ میرے ماں باپ آپ پر قربان ہوں آپ مجھ سے بےرخی کیوں فرما رہے ہیں ؟ پھر آپ میری طرف متوجہ ہوئے اور فرمایا کیا تجھے ایک محبوب یابارہ ؟ پھر میں نے یہ صورت حال دیکھی تو میں لوٹ گیا۔ رواہ ابن عساکر۔