14501 یحییٰ جزار سے مروی ہے کہ دو آدمی سواری کے ایک جانور کے بارے میں اپنا تنازعہ حضرت علی (رض) کی خدمت میں لے کر حاضر ہوئے۔ سواری کسی ایک کے قبضہ میں تھی۔ پھر اس نے بھی گواہ قائم کردیئے کہ یہ سواری اسی کی ہے اور دوسرے نے بھی گواہ پیش کردیئے کہ یہ سواری اس کی ہے۔ چنانچہ حضرت علی (رض) نے سواری کا فیصلہ اس کے حق میں فرمادیا جس کے قبضے میں وہ موجود تھی اور ارشاد فرمایا : اگر یہ کسی کے قبضہ میں نہ ہوتی اور یہ دونوں اپنے اپنے گواہ حاضر کردیتے تو پھر یہ دونوں کے درمیان تقسیم ہوجاتی ۔ المصنف لعبد الرزاق، السنن للبیہقی